Eguesibarko Udalak menopausian norbere burua zaintzen ikasteko tailerra antolatu du

18 urtetik gorako emakumeei zuzendutako tailerra azaroaren 9an, 16an, 23an eta 30ean egingo da Sarriguren Kiroldegian. Jarduerak menopausiako aldaketa fisiko eta emozionalei buruzko ezagutzak eta etapa honetan ongizatea hobetzeko ariketa praktikoak uztartuko ditu.

Eguesibarko Udalak «Menopausian geure burua zaintzen ikasten» tailerra antolatu du. Prestakuntza-proposamen honen helburua emakumeei etapa honetan gertatzen diren aldaketak ulertzeko eta ongizate fisikoa nahiz emozionala sustatzeko ezagutzak eta tresna praktikoak eskaintzea da.

Lidón Sorianok emango duen jarduera 18 urtetik gorako emakumeei zuzenduta dago, eta azaroko lau saiotan egingo da Sarriguren Kiroldegian.

Aldaketak ulertzeko eta norbere burua hobeto zaintzeko tailerra

Metodologia teoriko-praktiko baten bidez, parte-hartzaileek menopausiarekin lotutako aldaketa fisikoak, fisiologikoak eta psikoemozionalak landuko dituzte, baita etapa honi aurre egiten lagun dezaketen bizimoduaren egokitzapenak ere.

Programak ariketa fisikoari eskainitako atal praktiko bat ere izango du. Parte-hartzaileek indar-ariketak behar bezala egiten ikasiko dute, gorputz-jarreraren zuzenketari arreta berezia eskainiz, eta ariketa hipopresiboen zirkuitu bat landuko dute.

Horrela, tailerrak informazioa eta praktika uztartuko ditu, norbere burua zaintzeko eta ohitura osasungarriak hartzeko tresnak eskaintzeko.

Datak, ordutegiak eta izen-ematea

Tailerra Sarriguren Kiroldegian egingo da, honako egutegi honen arabera:

• Azaroaren 9an: 16:00etatik 20:00etara.
• Azaroaren 16an, 23an eta 30ean: 17:00etatik 19:00etara.

Jarduera 18 urtetik gorako emakumeei zuzenduta dago, eta 10 eta 20 parte-hartzaile arteko taldea osatuko da.

Izena emateko epea urriaren 13tik 23ra egongo da zabalik 012an.