Eguesibarko Udala laranjaz argiztatuko da Fazioeskapulohumeral Muskulu Distrofiaren Nazioarteko Eguna dela eta

Eguesibarreko Udalaren eraikina eta pinua, Sarrigurengo biribilgune nagusian dagoena, laranja kolorez argiztatuko dira, larunbat honetan, ekainak 20, “Fazioeskapulohumeral Muskulu Distrofiaren Nazioarteko Eguna” (FSHD) dela eta, gaixotasun horrekin bizi diren pertsona guztiei eta haien familiei elkartasuna adierazteko.

Keinu sinboliko horrekin, Udalak ikusarazi egin nahi ditu egunez egun min fisikoarekin, ahulezia progresiboarekin eta ahanztura sozialarekin borrokatzen dutenak.

Kolore laranja FSHDren aurkako borrokaren nazioarteko ikurra da, eta entzun, ulertu eta artatu behar den errealitate bat ikusarazteko nahia adierazten du.

Distrofia muskular fazioeskapulohumerala gaixotasun neuromuskular progresiboa da, eta hasieran

aurpegiko, sorbaldetako eta besoen goiko aldeko muskuluei eragiten die.

FSHD Spain Elkarteak, irabazi asmorik gabeko erakundeak, nazio mailan lan egiten du kaltetutako pertsonen bizi kalitatea hobetzeko.